ہیوی ٹریفک اور ریڑھیوں پرر یفلیکڑز کی تنصیب کی مہم کا باقاعدہ آغاز کر دیا گیا

فیصل آباد ( اے این ایف نیوز)چیف ٹریفک آفیسر محمد معصوم کی خصوصی ہدایت پر شہر بھر میں ہیوی ٹریفک اور ریڑھیوں پرر یفلیکڑز کی تنصیب کی مہم کا باقاعدہ آغاز کر دیا گیاہے۔ نئی حکمت عملی کے مطابق تمام ٹریفک سکیڑز اور مین روڈز پر ناکہ جات لگا کر ریفلیکڑزچسپاں اور نصب کیے جائیں گے۔اس حوالے سے ایجوکیشن یونٹ کے علاوہ خصوصی اضافی اسکواڈز بھی قائم کیے جارہے ہیں جو اس ٹاسک کی تکمیل کے لیے اپنا کلیدی کردار ادا کریں گے۔ ناکہ جات سرگودھا روڈ ، جڑانوالہ روڈ، سمندری روڈ،کینال روڈاور جھنگ روڈ پردن کے اوقات میں ریڑھیوں جبکہ رات کے اوقات میں ہیوی ٹریفک کے لیے لگائے جائیں گے۔ اس مہم کے آغاز سے توقع کی جارہی ہے کہ سڑکوں پر حادثات میں خاطر خواہ کمی لائی جاسکے گی۔ سی ٹی او کے احکامات پر اس حوالے سے تمام ریفلیکٹرز اسکواڈ کو ٹریفک ہیڈکواٹر سے خصوصی پرفامہ جات بھی فراہم کیے جارہے ہیں جن پر تما م کوائف متعلق ریڑھیاں اور ہیوی ٹریفک درج کیے جائیں گے جس پر چیف ٹریفک آفیسر کی خصوصی ٹیم تصدیق کرئے گی۔ شہریوں سے سٹی ٹریفک پولیس کی جانب سے استدعا کی جاتی ہے کہ ریفلیکٹرز کی از خود بھی اپنی گاڑیوں پر تنصیب کریں تاکہ سڑکوں پر باالخصوص رات کے اوقات میں سفر کو محفوظ بنایا جاسکے۔