صوبائی دارلحکومت کے انٹرنیشنل ایئرپورٹ پر مسافر طیارہ خوفناک حادثے سے بال بال بچ گیا

کوئٹہ (اے این ایف نیوز) صوبائی دارلحکومت کے انٹرنیشنل ایئرپورٹ پر مسافر طیارہ خوفناک حادثے سے بال بال بچ گیا۔ تفصیلات کے مطابق کراچی سے کوئٹہ جانیوالا پی آئی اے کا طیارہ پی کے 368کوئٹہ ایئرپورٹ پر لینڈنگ کرنے کیلئے تیار تھا کہ اِسی دوران دوجنگی جہاز مسافر طیارے کے سامنے آگیا جس پر پائلٹ نے کمال مہارت کا مظاہرہ کرتے ہوئے طیارے کا رخ موڑ لیا اور ہنگامی طورپر لینڈکرادیا۔ ایئرپورٹ ذرائع کے مطابق تمام مسافر اور طیارہ محفوظ ہے ۔بتایاگیاہے کہ یہ طیارہ اردن سے لیز پر حاصل کیاگیاہے اور عملے کا تعلق بھی اردن سے ہی ہے ۔ ہنگامی لینڈنگ کے بعد طیارے کے عملے نے پی آئی اے اور اپنی کمپنی کو صورتحال سے آگاہ کردیاہے جس کے بعد پی آئی اے انتظامیہ نے موقع پر پہنچ کر تحقیقات شروع کردی ہیں ۔