آزادی و انقلاب مارچ میں دہشت گردی کے خطرے کے پیش نظر موٹر سائیکل پر ڈبل سواری پر پابندی عائد

اسلام آباد(اے این ایف نیوز) وفاقی دارلحکومت میں آزادی و انقلاب مارچ میں دہشت گردی کے خطرے کے پیش نظر موٹر سائیکل پر ڈبل سواری پر پابندی عائد کر دی گئی ہے، یہ پابندی دس روز کے لئے ہو گی جس کا اطلاق فوری طور پر ہو گا۔ ڈپٹی کمشنر اسلام آباد نے میڈیا کو بتایا کہ یہ پابندی دفعہ 144 کے تحت لگائی ہے تاکہ دہشت گردی کے کسی بھی ممکنہ واقعہ سے بچا جا سکے جبکہ اس پابندی کا طلاق صحافیوں، بچوں، بوڑھوں اور عورتوں پر نہیں ہو گا۔