بارشوں کے باعث مکان کی چھت گرنے سے جاں بحق ہونیوالی بچی کے والدین کو 16لاکھ روپے کا چیک دیا گیا

ہارون آباد (اے این ایف نیوز) وزیر اعلیٰ پنجاب کی جانب سے شدید بارشوں کے باعث مکان کی چھت گرنے سے جاں بحق ہونیوالی بچی کے والدین کو 16لاکھ روپے کا چیک دیا گیا ۔تفصیلات کے مطابق ہارون آباد کے نواحی گاؤں چک 48تھری آر میں شدید بارش کے باعث چھت گرنے سے ایک ہی خاندان کے تین افراد لیاقت علی،حسیب اور اقصیٰ زخمی ہو گئے تھے جبکہ اڑھائی سالہ بچی شمائلہ جاں بحق ہو گئی تھی ۔وزیر اعلیٰ پنجاب میاں شہباز شریف کی جانب سے مسلم لیگ ن کے رکن صوبائی اسمبلی رانا عبدالرؤف ،مسلم لیگ ضیاء کے رکن صوبائی اسمبلی چوہدری غلام مرتضیٰ اور ڈی سی او بہاولنگر جہانزیب اعوان نے بچی کے والدین کو سولہ لاکھ کا چیک دیا اور وزیر اعلیٰ پنجاب کی طرف سے متاثرہ خاندان کیساتھ اظہار تعزیت اور ہمدردی کا اظہار کیا گیا اس موقع پر اسسٹنٹ کمشنر عارف خان ،ٹی ایم او غلام مرتضیٰ نعیم سمیت گاؤں کے لوگ کثیر تعداد میں موجود تھے ۔