گو نواز گو‘ کے نعرے بلند

 حویلی(اے این ایف نیوز) وزیر اعظم پاکستان نواز شریف کے آزاد کشمیر کےدورے کے دوران اس وقت ایک عجیب صورتحال پیدا ہو گئی جب سیلاب متاثرین سے ان کے خطاب کے دوران متاثرین کی جانب ’گو نواز گو‘ کے نعرے بلند کئے گئے۔تفصیلات کے مطابق جب یہ نعرے لگائے گئے تو وزیر اعظم کچھ ساعتوں کے خطاب کرتے کرتے رک گئے تاہم ان کی جانب سے کو ئی جواب نہیں دیا گیا۔ اس موقع پر متاثرین کی جانب سے ’عمران خان‘ کا نام بھی سننے میں آیا۔ یاد رہے نواز شریف آج کل سیلاب سے متاثرہ علاقوں کے دورے پر ہیں اور اس سلسلے میں آج وہ آزاد کشمیر کے علاقے حویلی میں پہنچے تھے جہاں انہوں نے متاثرین سے خطاب کے بعد امدادی سامان بھی تقسیم کیا۔