انگلینڈ نے بھارت کو 5 میچز پر مشتمل سیریز میں شکست دے دی

انگلینڈ(اے این ایف نیوز) انگلینڈ نے بھارت کو 5 میچز پر مشتمل سیریز کے آخری میچ میں 41 رنز سے

شکست دے دی جبکہ مہمان بھارت نے سیریز 1-3 سے اپنے نام کرلی۔ انگلینڈ کے شہر لیڈز کے ہیڈنگلے کرکٹ گراؤنڈ میں کھیلے گئے سیریز کے آخری میچ میں بھارتی کپتان مہندرا سنگھ دھونی نے ٹاس جیت کر پہلے انگلینڈ کو بیٹنگ کی دعوت دی تو انگلش ٹیم نے مقررہ 50 اوورز میں جوئے روٹس کی سنچری کی بدولت 7 وکٹوں کے نقصان پر 294 رنز بنائے،انگلینڈ کی جانب سے جوئے روٹس 113، جوز بٹلر 49، کپتان السٹرل کوک 46 اور بین اسٹوکس 33 رنز کے ساتھ نمایاں بیٹسمین رہے۔سیریز میں مضبوط بیٹنگ کا مظاہرہ کرنے والی بھارتی بیٹنگ لائن آخری میچ میں تسلسل برقرار نہ رکھ سکی اور ہدف کے تعاقب میں پہلے ہی اوور میں انجکایا ریہانے بغیر کوئی رنز بنائے پویلین لوٹ گئے۔ بھارت کا مجموعی اسکور 25 رنز ہوا تو ویرات کوہلی بھی 13 رنز بنانے کے بعد پویلین لوٹ گئے، اسی طرح شیکر دھاون31،ایماتی ردویو 53، سریش رائنا 18 اور کپتان دھونی 29 رنز بنا کر پویلین لوٹ گئے۔ انگلش بولنگ لائن کے سامنے روندرا جدیجا نے مزاحمت کی بھرپور کوشش کی لیکن وہ بھی 87 رنز بنا کر ٹیم کو فتح نہ دلا سکے اور پوری بھارتی ٹیم 253 رنز بنا کر پویلین لوٹ گئی۔انگلینڈ کی جانب سے بین اسٹوکس نے 3 جبکہ جیمز اینڈریسن، معین علی اور اسٹیون فن نے 2،2 وکٹیں حاصل کیں، انگلینڈ کے جوئے روٹس کو میچ کا بہترین جبکہ سیریز میں شاندار پرفارمنس دینے والے بھارتی بلے باز سریش رائنا کو مین آف دی سیریز سے نوازا گیا۔