امریکہ کی شہرہ آفاق ٹینس سٹار سیرینا ولیمز نے یو ایس اوپن ٹینس ٹورنامنٹ جیت لیا

 نیو یارک(اے این ایف نیوز) امریکہ کی شہرہ آفاق ٹینس سٹار سیرینا ولیمز نے یو ایس اوپن ٹینس ٹورنامنٹ جیت لیا ہے۔نیویارک کے آرتھر ایش سٹیڈیم میں کھیلے گئے فائنل میں میں سیرینا ولیمز نے ڈنمارک کی کیرولین وزنیاکی کو سٹریٹ سیٹس میں 3-6 اور 3-6 سے شکست دے کر چھٹی بار یو ایس اوپن ٹائٹل اپنے نام کر لیا۔ میچ کے دوران سیرینا ولیمز وزنیاکی پر چھائی رہیں ۔یہ سیرینا ولیمز کا چھٹا یو ایس اوپن جبکہ مجموعی طور پر ان کے کیریئر کا 18واں ٹائٹل ہے۔ فائنل جیتنے پر سیرینا ولیمز کو 4 ملین ڈالرز کی انعامی رقم بھی ملی ہے جو یو ایس اوپن کی تاریخ میں سب سے زیادہ دی جانے والی انعامی رقم ہے۔