فیصل آباد ویسٹ مینجمنٹ کی جانب سے سیلاب سے متاثرہ علاقوں میں ریسکیو آپریشن جاری

فیصل آباد ( اے این ایف نیوز)فیصل آباد ویسٹ مینجمنٹ کمپنی کی جانب سے سیلاب سے متاثرہ علاقوں میں ریسکیو آپریشن شروع کر دیا گیا ۔ ایم ڈی فیصل آباد ویسٹ مینجمنٹ امجد علی اعوان کی خصوصی ہدایت پر ایڈمن مینجر اشتیاق احمد کی زیر نگرانی تازہ پانی کے 4 واٹر ٹینکرز، 6 ڈمپرز ، 1 ایکسویٹر، 1شاول اور 30ورکرز کو جھنگ میں سیلاب سے متاثرہ علاقوں میں حصہ لینے کے لئے روانہ کیا گیا۔ ریسکیو اور امدادی کاموں کا جائزہ لینے کے لئے گذشتہ روز ایم۔ڈی امجد علی اعوان نے جھنگ میں سیلاب متاثرہ علاقوں کا دورہ کیا اور ایف ڈبلیو ایم سی کی جانب سے کئے جانے والے امدادی کاموں کا جائزہ لیا۔ اس موقع پر انہوں نے بتایا کہ فیصل آباد ویسٹ مینجمنٹ کی جانب سے کئے جانے والے امدادی کاموں کی مدد سے اب تک سیلاب سے متاثرہ وعلاقوں میں موجود 000 4سے زائد افراد کو محفوظ مقامات تک پہنچایا گیا ہے اور متاثرہ افراد کو ایف ڈبلیو ایم سی کے ٹینکرز کے ذریعے تازہ پانی کی فراہمی بھی جاری ہے۔ انہوں نے عوام سے اپیل کی کہ گھنٹہ گھر چوک میں فیصل آباد ویسٹ مینجمنٹ کی طرف سے لگائے گئے ریلیف کیمپ میں بڑھ چڑھ کر کھانے پینے کی اشیاء اور مالی عطیات جمع کروائے تاکہ وہ سیلا ب سے متاثرہ بہن بھائیوں کی بروقت امداد کے لئے پہنچائی جا سکیں۔انہوں نے بتایا کہ کمپنی کی طرف سے جلد کھانے پینے کی اشیا ء اود یگر ضروری چیزیں متاثرہ علاقوں میں بھیجی جائیں گی اور ان کی بروقت ترسیل اور فراہمی کے لئے ایک ریپڈ ریسپانس ٹیم بھی تشکیل دی گئی ہے جو اس حوالے سے تمام کاموں کا جائزہ لے کر تمام اشیاء کی بروقت فراہمی کو ممکن بنائے گی۔ ڈی ۔سی ۔او فیصل آباد نے بھی جھنگ میں متاثرہ علاقوں کا دورہ کیا اس موقع پر انہوں نے فیصل آباد ویسٹ مینجمٹ کمپنی کی طرف سے کئے جانے والے امدادی کاموں کا بھی جائزہ لیا ا ورسیلاب سے متاثرہ علاقوں میں امدادی کاموں کے حوالے سے ایف ڈبلیو ایم سی کی ٹیم کی نمایاں کارکردگی کوسراہا۔