طاہر انور واہلہ ودیگر کارکنان کی اسلام آباد پولیس کے ہاتھوں گرفتاری کے خلاف وہاڑی میں بھرپور احتجاجی مظاہرہ

وہاڑی(اے این ایف نیوز) پاکستان تحریک انصاف وہاڑی کے ضلعی صدر طاہر انور واہلہ ودیگر کارکنان کی اسلام آباد پولیس کے ہاتھوں گرفتاری کے خلاف وہاڑی میں بھرپور احتجاجی مظاہرہ کیا گیا جس کی قیادت تحصیل صدر مہر محمد شبیرسیال نے کی شرکاء نے ہاتھوں میں پارٹی پرچم اور حکومت کے خلاف نعروں والے کتبے اٹھا رکھے تھے احتجاجی شرکاء نے طاہر انور واہلہ ، عمران خان کے حق میں جبکہ مسلم لیگ (ن) کے خلاف شدید نعرہ بازی کی احتجاجی شرکاء سے خطاب کرتے ہوئے شبیر سیال اور لبنیٰ احتشام ایڈووکیٹ نے کہا کہ حکمران بوکھلاہٹ کا شکار ہوچکے ہیں اوچھے ہتھکنڈوں پر اتر آئے ہیں ہم کارکنوں کی گرفتاریوں کی بھر پور مذمت کرتے ہیں حکمرانوں کو بتا دینا چاہتے ہیں کہ گرفتاریاں ، جیلیں ، لاٹھی چارج ، آنسو گیس ، شیلنگ ، کنٹینر اور گولیاں ہمارا جمہور ی راستہ نہیں روک سکتی نواز شہباز کو ہر حال میں جانا ہوگا مولانا فضل الرحمن ، زرداری ، اچکزئی ، آفتاب شیر پاؤ سمیت تمام چور اکھٹے ہوکر بھی عمران خان کا مقابلہ نہیں کر سکتے اور دھاندلی کی پیداوار وزیر اعظم سمیت تمام اسمبلی ختم ہو کر رہے گی اس موقع پر تحصیل جنرل سیکرٹری پرویز بھٹی ، لیاقت چیئرمین ، نعیم اکبر چٹھہ ، سجاد بھٹی ایڈووکیٹ ، شہزاد انور بندیشہ ، عبدالغفار انجم ، زاہد فانی ، گلزار ڈاہا ، اشتیاق گجر ، خالد سیف اﷲ اور رانجھا بادشاہ سمیت سینکڑوں کارکن موجود تھے#