بھارتی وزیر اعطم نریندرا مودی کی پاکستان کو امداد کی پیشکش کے جواب میں پاکستانی وزیر اعظم نواز شریف کا شکریہ کا خط

اسلام آباد(اے این ایف نیوز)نواز شریف نے بھارتی ہم منصب کے نام لکھے گئے خط میں کہا کہ مصیبت کی اس گھڑی میں بھارتی وزیر اعظم کا اظہار یکجہتی کرنا قابل تعریف ہے۔ گزشتہ روز بھارتی وزیر اعظم نے پاکستانی ہم منصب کے نام خط میں کہا تھا کہ  لائن آف کنٹرول کے دونوں جانب ہونے والا جانی اور مالی نقصان برابر ہےاور میرا دل متاثرہ خاندانوں کے دکھ میں برابر کا شریک ہے۔ مودی کا کہنا تھا کہ مصیبت اور غم کی اس گھڑی میں میں  حکومت پاکستان کو امدادی کارروائیوں میں مدد کی پیشکش کرتا ہوں اور جب آپ کہیں گے ہمارے وسائل آپ کے لیے دستیاب ہوں گے۔واضح رہے کہ حالیہ سیلاب نے آزاد اور مقبوضہ کشمیر میں بڑے پیمانے پر  تباہی مچائی  جس میں اب تک سیکڑوں افراد ہلاک اورہزاروں گھرمنہدم ہوچکے ہیں جب کہ ہزاروں ایکڑ رقبے پرپھیلی کھڑی فصلیں بھی تباہ ہوگئیں۔