سندھ میں محکمہ تعلیم کے اساتذہ طویل عرصے تک تنخواہیں نہ ملنے پر احتجاج

کراچی(اے این ایف نیوز)سندھ میں محکمہ تعلیم کے اساتذہ طویل عرصے تک تنخواہیں نہ ملنے پر احتجاج پر ہیں، اور اس ضمن میں کراچی میں ان کا بلاول چورنگی پر احتجاجی دھرنا بھی جاری ہے۔ اسی دوران سندھ کے وزیر قانون نثار کھوڑو کی جانب سے کہا گیا ہے کہ احتجاج کرنے والے یہ اساتذہ جعلی ہیں جن کو 2012میں غیر قانونی طور پر بھرتی کیا گیا تھا۔ اس کے جواب میں پیپلز پارٹی کے سابق وزیر تعلیم پیر مظہر الحق نے کہا ہے کہ وزیر تعلیم نثار کھوڑو کو کسی نے غلط بریف کیا ہے، یہ تمام اساتذہ ان کے دور میں قانونی طریقہ کار سے بھرتی کئے گئے اور ان کی تعیناتی میں میرٹ کو مدنظر رکھا گیا تھا۔ ان کا کہنا تھا کہ اس سے قبل بھی بیوروکریسی کے لوگ معاملات میں پیچیدگیاں پیدا کرتے رہے ہیں۔