سعید اجمل کوئی گیند بھی آئی سی سی کے قوانین کے مطابق نہیں کروا سکے

دبئی(اے این ایف نیوز)انٹرنیشنل کرکٹ کونسل کی جانب سے پاکستانی کرکٹر سعید اجمل پر پابندی سے متعلق ۲۳ صفحات پر مشتمل رپورٹ جاری کر دی گئی ہے۔ رپورٹ میں کہا گیا ہے کہ ٹیسٹ کے دوران سعید اجمل سے ۸ اوورز کروائے گئے، جس میں ان کی جانب سے کروائے جانے والے ’دوسرے‘ سمیت ان کی تیز گیندوں کا جائزہ لیا گیا، اس دوران ان سے ’اوور دا وکٹ‘ اور ’آف دا وکٹ‘ گیندیں بھی کروائی گئیں، جس میں سے سعید اجمل کوئی گیند بھی آئی سی سی کے قوانین کے مطابق نہیں کروا سکے۔ تفصیلات کے مطابق آئی سی سی کا کہنا ہے کہ سعید اجمل کے بازو کا خم کونسل کی جانب سے اجازت کردہ زاویے سے دوگنا سے بھی زیادہ ہے۔ ان کی کہنی کا خم ۴۰ ڈگری سے بھی زیادہ تک دیکھا گیا ہے ، جس کے بعد ان پر پابندی کا فیصلہ کیا گیا۔ یار دہے پاکستانی کرکٹر سعید اجمل پر ۹ ستمبر کو آئی سی سی کی جانب پابندی لگا دی گئی تھی۔