Posted by: Asian News Feed
Posted date: 02:36
/
پاکستان,
کراچی
میرپورخاص (اے این ایف نیوز) میرپوخاص پولیس کا کارنامہ دو روز قبل گرفتار ہونے والے جوابداروں کو انکاؤنٹر ظاہر کرکے ھلاک کردیا۔ پولیس کمپلیکس میرپورخاص میں پریس کانفرنس کرتے ہوئے ڈی آئی جی پولیس میرپورخاص محمد امین یوسفزئی ، ایس ایس پی میرپورخاص جام ظفراللہ دھاریجواور ایس ایس پی عمرکوٹ عبدالقیوم پتافی نے بتایا کہ بدنامِ زمانہ ڈکیت اللہ اوبھایو نہڑی ولد مبین نہڑی جو کہ اصل تعلقہ مسن ضلع ٹنڈوالہیار کا ہے اور ضلع عمرکوٹ میں رہائش پذیر تھا اور قتل ،اقدام قتل،اغواء برائے تاوان،ڈکیتی ،رہزنی،پولیس مقابلے اوردیگر سنگین وارداتوں میں میرپورخاص پولیس کے علاوہ سانگھڑ،عمرکوٹ ،بدین،ٹنڈومحمد خان،ٹنڈوالہیاراور حیدرآباداضلاع کی پولیس کو مطلوب تھااور متعدد سنگین کیسوں میں اشتہاری اور روپوش تھا ۔ آج 9ستمبرکو نوکوٹ پولیس کو خفیہ اطلاع ملی کہ بدنامِ زمانہ ڈکیٹ اللہ اوبھایو نہڑی اپنے دیگر ساتھیوں سمیت نوکوٹ سے تقریبا 11،12کلومیٹر دور ایک سنسان علاقہ میں کسی بڑ ی سنگین واردات کے ارادے سے موجود ہے ۔اس اطلاع پر میرپورخاص پولیس نے علاقے کا گھیراؤ کیا اور مدد کے لیے مزید پولیس فورس میرپورخاص اور عمرکوٹ ضلعے سے طلب کی جیسے ہی پولیس علاقے میں داخل ہوئی ڈکیت اوبھایو اور اس کے ساتھیوں نے پولیس کو دیکھتے ہی اندھا دھند فائرنگ شروع کری ۔ڈکیتو ں کے ساتھ مقابلہ رات کو 12:30بجے شروع ہو کر تقریبا آدھا گھنٹہ جاری رہا اور مقابلے کے دوران ڈکیت اللہ اوبھایو اپنے ساتھی کے ہمراہ مارا گیا جبکہ دیگر 2ساتھی ڈکیت فرار ہونے میں کامیاب ہوگئے ۔ان ڈاکوؤں سے برآمد ہونیوالا اسلحہ بشمول کلاشنکوف ،پسٹل اور بھاری تعداد میں ایمونیشن پولیس نے اپنی تحویل میں لے لیا ۔واضع رہے کہ ڈکیت اللہ اوبھایو نہڑی کی گرفتاری پر سندھ حکومت کو 1000000/=(دس لاکھ) ہیڈ منی کیلئے بھی سفارش کی گئی تھی۔دوسری جانب 31 جولائی 2014 کو عمرکوٹ شہر میں قتل ہونے و الے دو تاجر بھائیوں ھیرا لعل اور اشوک کمار قتل کے میں فریادی سریش کمار نے اپنے جاری ہونے والے بیان میں کہا ہے کہ نوکوٹ میں قتل ہونے والے پولیس انکاؤنٹر میں ڈاکو سابق پولیس اھلکار اوبھایو نہڑی اور عمر منگریو کو انکے بھائیوں کے قتل کے کیس میں ملانے کی کوشش کی گئی ہے وہ ان سے مطمن نہیں ہیں، اور گزرشتہ ڈیڈھ ماھ سے جاری تفشیش میں انکے بھائیوں کے قتل کے کیس میں ابھایو نہڑی کی کہیں پر بھی ملوث ہونے کی نشاندھی نہیں ہوئی ہے۔ اور ابھایو نہڑی کو عمرکوٹ میں ہر ایک آدمی جانتا ہے او ر آنکہوں دیکھے شاھد نے ابھایو نہڑی کی نشاندھی نہیں کی ہے ، انہوں نے کہا کہ پولیس اگر ابھایو نہڑی اور انکے ساتھی کو ھلاک کرکے انکے بھائیوں کے قتل کے کیس میں ملوث کرے گی تو وہ بے گناھ قتل ہونے والے بھائیوں کے کیس کو خراب کرنے اور ایس ایس پی عمرکوٹ کو بچانے کی کو شش ہوگی۔ زرائع کے مطابق ابھایو نہڑی اصل ضلع تھرپارکر کے علائقے چھاچھرو کے گوگاسر کا رہائشی ہے اور سابق پولیس اھلکار بھی ہے جس کو پریس کانفرنس میں ٹنڈو الہیار کا کہا گیا ہے اور اوبھایو نہڑی کو میرپورخاص کے علائقے مہران کالونی سے گرفتار کیا گیا تھا۔ دوسری جانب نوکوٹ اسپتال سے نعش وصول کرنے کے لئے انکے وارثاء بھی پہچ گئے جہاں پر مقتول عمر لغاری کے کزن اشرف لغاری نے بتایا کہ مقتول عمر لغاری کے خلاف کہیں پر کوئی بھی کیس داخل نہیں ہے اور وہ زمیدار ہے میرپورخاص کے قریب گاؤں گل محمد رند میں انکی زمین ہے اور انکے ساتھ ظلم ہوا ہے۔ جبکہ مقتول ابھایو نہڑی کے چچا عباس نہڑی نے بتایا کہ انکا بھتیجے کو پولیس نے غلط مارا ہے اور اسے گرفتار کرنے کے بعد جالی مقابلے میں قتل کیا گیا ہے کے کے خلاف وہ قانونی کاروائی کرینگے۔ دوسری جانب پولیس نے حسب روایت اس کیس کو انکاؤنٹر ظاہر کیا ہے جس پر عوامی حلقے کا کہنا ہے کہ ڈاکوں اور جرائم پیشہ افراد خا خاتمہ ضروری ہے لیکن کسی بھی شخص کو اپنی منشا اور اپنی مرضی سے ماورائے عدالت قتل کرنے کی بھی اجازت نہیں ہے عوامی حلقے نے اس کیس کی جوڈیشل انکوائری کرنے کا مطالبہ کیا ہے اور اگر یہ جعلی مقابلہ ثابت ہوتا ہے تو جعلی پریس کانفرنس کرکے عوام کی آنکہوں میں دھول پہیکنے پر پولیس افسران اور اھلکاروں کے خلاف مقدمہ درج کرنے کا مطالبہ کیا ہے۔ دوسسری جانب پاکستان تحریک انصاف سے تلعق رکھنے والے ایم این اے اور اقلیتی رھنماء لعل مالہی نے عمرکوٹ میں ھنگامی پریس کانفرنس میں کہا ہے کہ میرپورخاص اور عمرکوٹ پولیس کے ایس ایس پی نے پریس کانفرنس میں اوبھایو نہڑی کو دو ھندو بھائیو ں کے قتل میں ملوث کرنے کی کوشش کرے قتل کیس خراب کرنے کی کوشش کی گئی ہے، اور پولیس نے تین روز پہلے میرپورخاص سے ابھایو نہڑی اور عمر لغاری کو گرفتار کیا تھا اور جعلی انکاؤنٹر میں انکو قتل کیا گیا ہے اور انکے قتل کیس کو دو ھندو بھائیوں کے قتل کے ساتھ جوڑنے کی کوشش کی جارہی ہے جس کو ھم رد کرتے ہیں
