پاکستان

علاقائی نیوز

بین الاقوامی

کالم

سپورٹس

نامعلوم افراد کی فائرنگ سے پشاور کا رہائشی جاں بحق ہو گیا

ہر ی پور (اے این ایف نیوز) نامعلوم افراد کی فائرنگ سے پشاور کا رہائشی جاں بحق ہو گیا ملزمان موقع سے فرار ہونے میں کامیاب ہو گے پولیس نے نعش پوسٹ مارٹم اور شناخت کے بعد ورثاء کے حوالہ کر دی مقدمہ درج کرکے تفتیش شروع کر دی ہے تفصیلات کے مطابق گزشتہ روز پشاور کے رہائشی وزیر خان کو نامعلوم افراد نے اس وقت فائرنگ کرکے قتل کر دیا جب وہ ہری پور سبزی منڈی سے سبزیاں اتار کر واپس ٹیکسلا کی جانب جا رہا تھا کہ تاک میں بیٹھے نامعلوم ملزمان نے گاڑی پر فائرنگ کر دی جس کے نیتیجے میں موقع پر ہی جاں بحق ہو گیا ملزمان موقع سے فرار ہونے میں کامیاب ہو گے پولیس نے اطلاع پاکر نعش کو اپنے قبضے میں لے کر پوسٹ مارٹم کے لیے ہسپتال منتقل کیا جہاں سناخت کے بعد ورثاء کے حوالہ کردیا گیا ہے پولیس نے مقدمہ درج کرکے مزید تفتیش شروع کر دی ہے 

پولٹری فارم کے ملازم کو نامعلوم افراد نے رات کو زبح کر دیا

ہر ی پور (اے این ایف نیوز) پولٹری فارم کے ملازم کو نامعلوم افراد نے رات کو زبح کر دیا پولیس نے نعش اپنے قبضے میں لے کر ہسپتال منتقل کر دی ملزم موقع سے فرار ہونے میں کامیا ہوگے طالب علم نے والدین کی ڈانٹ ڈپٹ سے دلبرداشتہ ہو کر خود کشی کر لی نویں جماعت کی طالبہ نے بھی نامعلوم وجوہات کی بناء پر گلہ میں پھندا ڈال کر خود کشی کرلی پولیس نے مقدمات درج کرکے مزیدتفتیش شروع کر دی ہے تفصیلات کے مطابق گزشتہ رات سرائع نعمت خان کے علاقہ نور پور میں پانچویں جماعت کے طالب علم سہیل احمد ولد ارشد نے والدین کی ڈانٹ ڈپٹ اور دوستوں کے ساتھ گھومنے پھرنے کی اجازت نہ ملنے پر دلبرداشتہ ہو کر گھر کے باہر لگے درخت سے خود کو رسی کے ساتھ پھندا ڈال کرلٹک کر خود کشی کر لی محلہ فیروز پورہ کی رہائشی نویں جماعت کی طالبہ شازیے بی بی دختر اسلم خان نے نامعلوم وجوہات کی بناء پر گزشتہ روز گلہ میں پھندا ڈال کر پنکھے سے لٹک کر خود کشی کرلی جس سے موقع پر ہی دم توڑ گئی لڑکی کا والد اسٹنٹ کمشنر ہری پور کا ڈرائیور ہے رات گے خان پور میں واقع پولٹری فارم کے ملازم تیس سالہ مظفر کو نامعلوم افراد نے زبح کر دیا اور موقع سے فرار ہونے میں کامیاب ہو گے ورثاء کی مدعیت میں نامعلوم افراد کے خلاف مقدمہ درج کرلیا ہے پولیس نے اطلاع پاکر نعش کو پوسٹ مارٹم کے لیے ہسپتال منتقل کیا جہاں پوسٹ مارٹم کے بعد تدفین کے لیے نعش ورثاء کے حوالہ کر دی گئی پولیس نے الگ الگ مقدمات درج کرکے مزید تفتیش شروع کر دی ہے ادھر سرائع گدائی میں چھوٹے بھائی نے فائرنگ کرکے اپنی دو بہنوں کو شدید زخمی کر دیا جوکہ جوکہ ہسپتال میں لے جاتے دم توڑ گئیں ہیں پولیس کے مطابق فائرنگ گھریلو جھگڑے کا شاخسانہ ہے دلشاد بی بی اور صفیہ بی بی کی عمریں بیس سال سے پچیس سال کے درمیان ہیں پولیس نے ابتدائی رپورٹ درج کرکے مزید تفتیش شروع کر دی ہے

سرکاری نوکریوں کا جھانسہ دے کر لوٹنے والا سرکاری سکول استاد گرفتار

ہر ی پور (اے این ایف نیوز) سرکاری نوکریوں کا جھانسہ دے کر لوٹنے والا سرکاری سکول استاد گرفتار اینٹی کرپشن پولیس نے زیر دفعہ419/420کے تحت مقدمہ درج کرکے تھانہ سٹی میں بند کر دیا بعد زاں چالان کے لیے مقامی عدالت میں پیش کر دیا تفصیلات کے مطابق گزشتہ روز اینٹی کرپشن حکام نے کاروائی کرتے ہوئے عوام کی جانب سے تحریری شکایات پر کاروائی کرتے ہوئے سرکل ایبٹ آباد اینٹی کرپشن حکام نے ہری پور میں کاروائی کرتے ہوئے ایک سکول استاد کو گرفتار کیا ہے انسپکٹر اینٹی کرپشن فضل داد خان نے بتایا ہے کہ سکول استاد واجد ولد عبدا لرحمان سکنہ ہری پور مونن کے بارے میں کاگی عرصہ سے تحریری عوامی شکایات موصول ہو رہی تھیں ہری پور کے ہی رہائشی ایک منصور نامی متاثرہ شخص کی درخواست پر کاروائی عمل میں لائی گئی ہے جس میں متاثرہ فرد نے موقف اختیار کیا ہے کہ مذکورہ استاد نے اسی ہزار روپے نوکری کا جھانسہ دے کر ہتھیا لیے ہیں اور پشاور جانے کے لیے مزید رقم کا تقاضہ کر رہا ہے مذکورہ استاد ایک عرصہ سے سادہ لوح غریب افراد سے نوکریوں کے عوض رقم بٹور رہا تھا جس کو مقامی عدالت میں چالان کے لیے پیش کر دیا گیا ہے اور تھانہ سٹی میں ہی زیر دفعہ419/420کے تحت مقدمہ درج کرلیا گیا ہے 

کرا چی میں اساتذہ پر لاٹھی چارج قابل مزمت ہے

ہر ی پور (اے این ایف نیوز) کرا چی میں اساتذہ پر لاٹھی چارج قابل مزمت ہے نہ ہی تعلیمی نصاب سے اسلامی مواد کا اخراج و اسلامی تاریخ ، شعائر اور بنیادی تعلیمات پر کوئی سودے بازی قبول ہے تمام اساتذہ تنظیموں کا مؤقف تفصیلات کے مطابق کراچی میں اپنے جائز حقوق کے لیئے پر امن احتجاج کرنے والے نہتے معماران پر پر لاٹھی چارج پولیس گردی ہے اس کی مذمت کی جاتی ہے ان خیالات کا اظہار متحدہ محاز اساتذہ کے چیرمین الحاج عبدالمناف م آل ٹیچرز ایسوسی ایشن ضلع ہری پور کے ملک حفیظ تنظیم اساتذہ کے جنرل سیکرٹری شاہد محمود گوہر نے مزمتی بیان میں کیا انھوں نے کہا کہ پوری عالمِ انسانیت اساتذہ کو عزت و احترام سے دیکھتی ہے اور ان سے توہین آمیز سلوک قابل صد افسوس ہے الحاج عبدالمناف ملک حفیظ و شاہد محمود گوہر نے مرکزی و سندھ حکومت سے نوٹس لینے کا مطالبہ کرتے ہوئے کہا کہ ریاستی جبر بند کیا جائے ورنہ راست اقدام اٹھائیں گے حکومت ملک کو ترقی کی راہ پر گامزن دیکھنا چاہتی ہے تو اساتذہ کے مسائل ترجیحی بنیادوں پر حل کرے تاکہ اساتذہ سٹرکوں پر آنے کے بجائے پوری ذہنی یکسوئی سے معمارانِ قوم کی تربیت کر سکیں دوسری طرف اساتذہ تنظیموں اور ان کے رہنماؤں نے صوبہ خبیر پختون خواہ میں سرکاری تعلیمی نصاب سے بنیادی اسلامی تعلیمات اور مضامین کے اخراج اور غیر اسلامی مواد کی شمولیت پربھی سخت تشویش کا اظہار کیا اور کہا کہ سرکاری تعلیمی نصاب میں ترقی کے نام پر تبدیلی ایک خفیہ ایجنڈے کی تکمیل ہے اور جس طرح نصاب میں اسلامی شعائر کا کھلم کھلا مذاق اڑایا گیا ہے وہ ہرگز قبول نہیں اسے فوری منسوخ کیا جائے اور اس نصاب میں بنیادی اسلامی تعلیمات اور اسلامی تاریخ کے اہم مضامین کو دوبارہ شامل کیا جائے اگر نصاب میں کی گئی تبدیلیوں کا ایک تقابلی جائزہ پیش کیا جائے تو اس کے مطابق پرائمری سطح کی جماعت چہارم اور پنجم کی معاشرتی علوم میں حضرت محمد ﷺ اور خلفائے راشدینؓ سے لیکر قائدِ اعظم کو نصاب سے خارج کر کے نیلسن منڈیلا، کارل مارکس ، مارکو پولو، رنجیت سنگھ، واسکوڈے گاما اور نیل آرم سٹرانگ وغیرہ کو شامل کر دیا گیا ہے نصاب میں مشاہیر اسلامی کے بجائے غیر مسلم مفکرین کو رول ماڈل بنانا قابل صد افسوس ہے انھوں نے کہا کہ محمد ﷺ اور خلفائے راشدین سے زیادہ اہم دنیا کی کوئی ہستیاں نہیں اور ان کا نصاب سے اخراج ایک سازش کے تحت ہو رہا ہے کراچی میں اساتذہ پر تشدد کے خلاف خیبر پختوانخواہ میں بھر پور احتجاج کیا جائے گا مرکزی وصوبائی حکومت ا س بات کو نوٹس لیں

قادیانی جماعت کے سربراہ مرزامسرور قادیانی کے رضاعی بھتیجے نومسلم شمس الدین نے قادیانیوں کو اسلام قبول کرنے کی دعوت اوراحمدیہ ٹی وی پر مناظرے کا چیلنج دے دیا

ہر ی پور (اے این ایف نیوز) قادیانی جماعت کے سربراہ مرزامسرور قادیانی کے رضاعی بھتیجے نومسلم شمس الدین نے قادیانیوں کو اسلام قبول کرنے کی دعوت اوراحمدیہ ٹی وی پر مناظرے کا چیلنج دے دیا ہے ، جامع مسجد صدیق اکبر سرائے صالح میں پریس کانفرنس میں شمس الدین نے کہا کہ انکی تعلیم و تربیت چناب نگر میں ہوئی ، دوسروں کو قادیانی بنانے کی کوشش کے دوران خود قادیانیت سے توبہ کر کے دائرہ اسلام میں داخل ہوگیا ، اسلام قبول کرنے کے بعد گھر والوں نے بے دخل کر دیا اور متعدد مشکلات کا سامنا کرنا پڑا ، لیکن اب میں نے اپنی زندگی ختم نبوت کے مشن کے لیے وقف کر دی ہے ، کشمیرمیں قادیانی خاندان مسلمان ہوئے ، حیدر آبا د کے سات اور لاہور کے 20قادیانی میری تبلیغ سے مسلمان ہوچکے ہیں ، پریس کانفرنس کے دوران عالمی مجلس تحفظ ختم نبوت کے ضلعی ناظم اعلیٰ مفتی ہارون الرشید شامی بھی موجود تھے ، شمس الدین نے کہا کہ قادیانیو ں کی کتابوں میں حضرت عیسیٰ کے خلاف بہت سی توہین آمیز تحریر یں ہیں ، قادیانی یہودی لابی کے اشاروں پرکام کر رہے ہیں قادیانی سبز باغ دکھاکر سادہ لوح لوگوں کو قادیانی بناتے ہیں ، پاکستان میں ان کے لیے حالات مشکل ہورہے ہیں ، اس لیے انہوں نے دیگر ممالک کا رخ کرنا شروع کر دیا ، چناب نگر میں ایک ہزار 43ایکڑ رقبہ قادیانیوں نے لیزپر حاصل کر رکھا ہے اس علاقے میں کوئی مسلمان نہیں رہ سکتا ، اس علاقے میں صرف قادیانیو ں کا قانون چلتا ہے ، قادیانی بچوں سے بڑی عمر کے تربیت اور چندہ وصول کرنے کے لیے خصوصی نظام کے تحت کام کرتے ہیں لہذا قادیانیوں کا مقابلہ کرنے کے لیے ہمیں اپنے بچو ں کی دینی تعلیم و تربیت پر خصوصی توجہ دینا ہوگی ، انہوں نے اس عزم کا اظہار کیا کہ قادیانیوں کے مقابلے اور اسلام کی تبلیغ کے لیے دنیا کے ہر کونے میں جانے کے لیے تیار ہیں 

سلام سے دوری کے باعث آج مسلمان زوال پذیر ی کا شکار ہیں

ہر ی پور (اے این ایف نیوز) ا سلام سے دوری کے باعث آج مسلمان زوال پذیر ی کا شکار ہیں ،اللہ تعالیٰ نے مسلمانوں کو کامیابی دلوانے کا وعدہ اس صورت میں کیا تھا جب وہ اسلام پر قائم و دائم رہیں گے آج تعلیم کے نام پر مسلمانوں کو گمر اہ کیا جا رہا ہے ،یہود و ہنود مسلمانوں پر حملہ آور ہو چکے ہیں اور مسلمان اتنی زیادہ تعداد میں ہو نے کے باوجود خوف کے مار ے ان کا مقابلہ نہیں کر رہے ان خیالا ت کا اظہار معرف مذہبی شخصیت مفتی اعجاز الحبیب نے نماز جمعہ کے اجتماع سے خطاب کر تے ہو ئے کیا اس موقع پر معروف عالم دین قاری میاں عزیر الرحمان بھی موجودتھے انہوں نے کہا کہ نبی کریم ﷺ نے پند ر ہ سو سال قبل ان حالا ت کی پیشن گوئی کر دی تھی کہ میر ی قوم پر ایک وقت ایسا آئے گا جب وہ موت سے خوف کھائیں گے اور دنیا سے محبت کر ینگے ،جہاد انکو پسند نہیں رہے گا ایسے وقت میں کفار اکٹھے ہو کر ان پر حملہ آور ہو نگے اور ان کا مال و اسباب لو ٹ لیں گے آج نبی کریم ﷺ کی یہ باتیں سچ ثابت ہو رہی ہیں ،مسلمان اربوں کی تعداد میں ہو نے کے باوجود ظلم کا شکار ہیں کیونکہ انہون نے اپنا دامن دین سے خالی کر دیا ہے ،آج مسلمان دین کی تعلیم حاصل کر نے سے گریزاں ہیں اور وہ تعلیم و شکل و صورت میں خود کو انگریز بنانے پر خوشی محسوس کر تے ہیں ،دنیا کی لگن میں وہ مسجد کو بھول بیٹھے ہیں ،رب کریم کے حضور 5وقت کی حاضری ان پر گراں گزرتی ہے جس کے باعث آج دشمن متحد ہو کر ان پر حملہ آور ہو رہا ہے کبھی افغانستان تو کبھی عراق ،کبھی تیونس تو کبھی فلسطین کفار ایک ایک کر کے مسلمانوں پر حملے کر رہے ہیں لیکن مسلمان یہ سب کچھ دیکھنے کے باوجود دین کی طرف راغب نہیں ہو رہے انہوں نے کہاکہ تعلیم کے نام پر قوم کو گمرا ہ کیا جا رہا ہے مسلمانوں کو ان حالا ت کا جائزہ لیکر اپنی اصلاح کر نی چاہیے اسی میں ان کی بقا ء ہے 

عتیق الرحمن صدیقی نے علم کی شمعیں روشن کرنے میں اپنی ساری زندگی صرف کر دی

ہر ی پور (اے این ایف نیوز) عتیق الرحمن صدیقی نے علم کی شمعیں روشن کرنے میں اپنی ساری زندگی صرف کر دی اور آج ملک کے طول و عرض میں عتیق الرحمن صدیقی کے تربیت یافتہ نوجوان ملک و قوم کی خدمت میں مصروف عمل ہیں ان خیالات کا اظہار سابق صوبائی وزیر ہائر ایجوکیشن قاضی محمد اسد ، ممتاز قانون دان جاوید قریشی ایڈووکیٹ جماعت اسلامی پاکستان کی مرکزی شوریٰ کے رکن محبوب الہی اور دیگر نے گزشتہ روز عتیق الرحمن صدیقی مرحوم کی رہائش گاہ پر انکے بیٹوں طاہر عتیق صدیقی، عامر عتیق صدیقی ، عاطف عتیق صدیقی اور عاصم عتیق صدیقی سے تعزیت کے موقع پر عتیق الرحمن صدیقی کو خراج تحسین پیش کرتے ہوئے کیا انہوں نے کہا کہ عتیق الرحمن صدیقی کی انتھک لازوال محنت اور کوشش سے جلائی جانے والی شمعیں آج ملک کے طول و عرض میں ملک و قوم کی خدمت میں روشنیاں بکھیر رہی ہیں انہوں نے کہا ہے کہ عتیق الرحمن صدیقی نے تعلیمی میدان میں ایسے ہیرے تراشے تعلیم کے ساتھ تربیت کا کارنامہ سر انجام دیا جسکی مثال نہیں ملتی انہوں نے اپنے پیچھے ایسی یادیں چھوڑیں اصولوں کی پابند ی اور پاسداری کی مثالیں قائم کیں جو ہمیشہ یاد رکھی جائیں گی اور آنے والی نسلوں کیلئے رہنمائی کا زریعہ ثابت ہونگے۔ 

عتیق الرحمن صدیقی ایک شجر سایہ دار تھے ۔ انہوں نے بھٹکے ہوئے انسانیت کو راہ راست کا راہی بنایا

ہر ی پور (اے این ایف نیوز) عتیق الرحمن صدیقی ایک شجر سایہ دار تھے ۔ انہوں نے بھٹکے ہوئے انسانیت کو راہ راست کا راہی بنایا اور انسانیت کی زندگیوں میں انقلاب برپا کر کے ایسی مثال قائم کی جو آئندہ نسلوں اور محکمہ تعلیم سے وابسطہ اساتذہ کیلئے مشعل راہ ہے ان خیالات کا اظہار تنظیم اساتذہ پاکستان نائب ناظم شعبہ تعلیم متاثرین شاھد محمود گوہر نے عتیق الرحمن صدیقی کی خدمات کو خراج تحسین پیش کرتے ہوئے کیا۔ انہوں نے کہا عتیق الرحمن صدیقی ایک ماہر تعلیم مصنف ، خطیب ، مربی اور انسانیت کو انسانیت کی غلامی سے نکال کر رب کی غلامی کا راستہ بتانے والے تھے۔ عتیق الرحمن صدیقی نے ساری زندگی افراد سازی میں وقف کر رکھی تھی ہر شعبہ زندگی میں ایسے افراد تیار کےئے جو ملک و قوم کیلئے سرمایہ افتحارہیں عتیق الرحمن صدیقی محکمہ تعلیم کا میدان ہو یا درس و تدریس کا مرحلہ ہو خطابت کیلئے ممبر پر جلوہ فرما ہوں یا بحثیت سکالر سٹیج پر لیکچر دے رہے ہوں تصنیف کی فیلڈ ہو یا کالم نگاری کا معرکہ ہو افراد سازی کا کام ہو یا اجلاس میں رائے تجاویز کا میدان ہو پالیسیاں مرتب کرنی ہوں یا پروگرامات کی پلاننگ ہو کارکنان کی تربیت و کردار سازی کا موقع ہو یا مدارس میں طلبہ کو دینی تعلیم کے ساتھ دیناوی تعلیم دینے کے لیے منصوبہ بندی ہو ہرجگہ ہر لمحہ عتیق الرحمن صدیقی نے اپنے علم تجربہ اور صلاحتیوں کا لوہا منوایا عتیق الرحمن صدیقی کی تربیتی علمی کردار ساز ی کی خدمات کو کبھی فراموش کیا جا سکتا ۔ اللہ تعالیٰ انکو جنت الفروس میں اعلیٰ مقام عطا کرے (امین) لواحقین کو صبر جمیل عطا کرے

پشا ور ہا ئیکو رٹ نے جو ڈیشل مجسٹر یٹ را شد را ؤ ف سوا تی کو گر یڈ انیس میں سنئیر سو ل جج کے عہد ے پر تر قی دیدی

ہر ی پور (اے این ایف نیوز) پشا ور ہا ئیکو رٹ نے جو ڈیشل مجسٹر یٹ را شد را ؤ ف سوا تی کو گر یڈ انیس میں سنئیر سو ل جج کے عہد ے پر تر قی دیدی را شد را ؤ ف سوا تی خیبر پختو نخوا ہ میں فو جدا ری مقد ما ت پر عبو ر رکھنے کے انتہا ئی ما ہر جج کے طو ر پر بھی جا نے جا تے ہیں اُنکی تعینا تی کا فیصلہ آ ئندہ ہے چند روز میں ہو گاتفصیلا ت کے مطا بق جو ڈیشل مجسٹر یٹ و سو ل جج بٹگر ام را شد را ؤ ف سوا تی کو پشا ور ہا ئیکو رٹ نے گر یڈ انیس میں سنئیر سو ل جج کے عہد ے پر تر قی دید ی ہے جبکہ آ ئندہ چند روز میں اُنھیں بٹگر ام سے کسے دو سرے ضلع میں سنئیر سو ل جج کے عہد ے پر تعینا ت کر دیا جا ئے گا را شد را ؤ ف سوا تی خیبر پختو نخوا ہ کی عد لیہ میں فو جد اری مقد مات کے پر عبو ر رکھنے کے انتہا ئی ما ہر جج کے طو ر پر جا نے جا تے ہیں وہ اپنی ملا زمت کے دورا ن تین سا ل تک ہر ی پور میں تعینا ت رہے اور اُنھوں نے اپنی ہر ی پور میں بطو ر مجسٹر یٹ تعینا تی کے دو را ن سا ئلین کو انصا ف فر ا ہم کر نے میں تما م وسا ئل بھر وئے کا ر لا ئے یہی وجہ ہے زرا ئع کے مطا بق پشا رو ہا ئیکو رٹ نے ایڈ مینسٹر یٹو کمیٹی کی سفا رشا ت پر صو بہ بھر میں را شد را ؤ ف سوا تی سمیت 14سو ل ججز کو سنئیر سو ل جج،14سنئیر سو ل ججز کو ایڈ یشنل سیشن جج جبکہ 35ایڈیشنل سیشن ججز کو سیشن جج کے عہد ے پر تر قی دی گئی ہے جس میں ہر ی پور سے تعلق رکھنے والے دو ججز بھی شا مل ہیں جنکو ایڈ یشنل اور سیشن ججز کے عہد ے پر تر قی ملی ہے 

بڈھ بیر میں پولیس مقابلے میں ڈی ایس پی صدر عابد الرحما ن پر حملے میں ملوث کالعدم تنظیم کا کمانڈر ہلاک

پشاور(اے این ایف نیوز) بڈھ بیر میں پولیس مقابلے میں ڈی ایس پی صدر عابد الرحما ن پر حملے میں ملوث کالعدم تنظیم کا کمانڈر ہلاک جب کہ ساتھی زخمی حالت میں گرفتار کر لیا گیا ہے ۔تفصیلات کے مطابق بڈھ بیر میں مقابلے میں ڈی ایس پی صدر عابد الرحمان پر حملے میں ملوث کالعدم تنظیم کا رکن ہلاک جبکہ اس کے ایک ساتھی کو فرار ہوتے ہوئے خیبر ایجنسی سے گرفتار کر لیا گیا ہے ۔ پولیس حکام کا کہنا ہے کہ مقابلے میں ہلاک ہونے والا شدت پسند کالعدم تنظیم لشکراسلام کا کمانڈر تھا۔واضح رہے کہ ڈی ایس پی عابد الرحمان پر 2 ماہ قبل پشاور میں فرنٹیئر روڈ پر حملہ کیا گیا تھا جس میں وہ اور ان کے ڈرائیور زخمی ہوئے تھے۔

Top